Nederduitse Gereformeerde Kerk

Boksburg Oos Gemeente Webblad

Hierdie projek is volledig afhanklik van donasies en uitsluitlik gerig
op ons minderbevooregte kinders, ongeag ras of kultuur. Die N.G Kerk
Boksburg-Oos verskaf die fasiliteite, administreer die projek en betaal
die salarisse van personeellede, maar die 40-50 kleuters is van alle
kerke, rasse en kulture.

Daar is twee komponente. Die een is vir kinders wat voorskools is en
voorberei word om skool toe te gaan in 2010, sodat hulle nie te ver
agter is by ander kinders wat hoogstaande kleuterskole bywoon nie. Die
tweede komponent is vir jonger kinders wat konstruktief opgepas word en
geleidelik skoolgereed gemaak word. In die proses help ons hulle ouers
om te gaan werk in die wete dat hulle kinders veilig is. Ons kon deur
die Here se genade dit tot nog toe regkry om vir al die kinders daagliks
'n gebalanseerde ontbyt en middagete te voorsien.

Hulle kom meestal uit armoedige omstandighede en ons probeer ook om die
ouers op te hef. Ons voorsien tans aan 38 huisgesinne op 'n weeklikse
basis kospakkies as ons kan met die fondse wat inkom. Ons groot
besorgdheid is egter met die kinders, omdat ons van oordeel is dat
hierdie projek dit moontliker vir hulle maak om op 'n meer gelyke vlak
met hulle toekomstige skoolmaatjies te kompeteer.

Kleuterskool Album